Ano’ng Nangyari? Part 2

***para mas masaya, unahing basahin ang Ano’ng Nangyari? Part 1. pero kung ayaw mo naman, keri lang. kaw bahala.

ala-una ng hapon. hindi ako makauwi ng dorm. malakas ang ulan at wala akong dalang payong – at gamit. mabuti na lang dahil naisip kong tumambay muna sa PhySci lobby. nakita ko sila Krizelle at Gigi.

-Krizelle, pa’no kaya ‘ko uuwi? wala akong dalang payong eh.

-ayan si Gigi oh. sumukob ka na sa payong. papunta yang dorm.

magkaiba ang dorm namin ni Gigi kaya dapat sana mula sa dorm niya papunta sa dorm ko, magpapaulan na lang ako. pero mabait si Gigi. nag-abala pa siyang ihatid ako hanggang sa lobby mismo ng Unit 3.

pahabol na pasasalamat kay Krizelle, na siya palang may-ari ng payong na ginamit namin ni Gigi; at kay Gigi, na kahit mabasa ay inihatid pa rin ako sa dorm. malungkot ang mundo kapag walang mga taong kagaya niyo.

alas-dos y media ng hapon. nakasakay na ako ng jeep palabas ng campus dahil mabilis kong natapos ang Javascript quiz ni Sir Dulds sa CMSC100. pagdating ko sa sakayan ng bus, wala pang ibang mga commuters maliban sa’kin.

-sana may dumating kaagad na bus.

alas-tres ng hapon. wala pa ring bus. naiinip na ‘ko. labinglima na kaming mga naghihintay dito. tsk. tsk. tsk.

wala akong magawa habang naghihintay ng bus. napagdiskitahan ko tuloy magbilang ng mga dumadaang sasakyan.

hay salamat. pagkatapos ng ika-animnapu’t walong sasakyan na dumaan ay makakasakay na ‘ko.

alas-singko ng hapon. aargh! bumper-to-bumper ang traffic!

pagdating ng Muntinlupa nagsimulang bumagal ang takbo ng mga sasakyan. wala pa ring tigil ang buhos ng ulan. sa kasamaang-palad, hindi ako nagdala ng jacket. grabeng pangangatog ng tuhod ang inabot ko dahil sa sobrang lakas ng aircon sa bus na sinakyan ko. itinulog ko na lang para mainda ang lamig na makapanginig-panga.

alas-sais ng hapon. isang oras din akong natulog. nagising ako para malaman na nasa Muntinlupa pa rin ang bus at maramdamang hindi na ‘ko nilalamig. napabuntong-hininga na lang ako sa pagkainip.

napatingin ako sa labas. may nakita akong kung anong lumilipad sa langit, na kung titingnan ay parang UFO. tinitigan kong mabuti. magla-landing lang palang eroplano. unang makikita sa malayo ang maliit at umiilaw na bagay. ilang minuto lang ay isa ng malaking eroplanong lumilipad sa ibabaw ng mga sasakyan. nakakatuwang panoorin ang nakita kong pitong sunod-sunod na eroplanong nag-landing.

alas-siete y media ng gabi. sa wakas, nasa Mantrade na. pero wala pa ring tigil ang ulan at mabagal pa rin ang takbo ng traffic. hay anong oras kaya ako makakarating sa bahay?

nilalamig na naman ulit ako. naiinggit na ‘ko sa katabi kong may jacket.

alas-nuebe ng gabi. grabe! isang sakay na lang, nasa bahay na ‘ko. hassle ang bitbit kong backpack sa pag-akyat sa mataas na overpass. sabayan pa ng walang tigil na ulan.

sa loob ng jeep…

-bayad po. NGI. isang estudyante.

-piso pa.

-manong estudyante po ‘yan.

pambihira naman. piso na nga lang e. pero sabagay, sa panahon ngayon importante na din yung piso.

-paki-abot nga po ‘tong piso. salamat po.

alas-diyes ng gabi. dumating ako ng bahay na basa, nilalamig at gutom. almost 6 hours na biyahe. hay. di bale na. it’s good to be back home and i thank God for keeping me safe and sound.

ala-una y media ng madaling araw. ako na lang ang mulat pa sa buong bahay at gumagamit pa rin ng internet – at nagta-type ng Ano’ng Nangyari? Part 1

woot. na-miss ko ang up-to-sawang paggamit ng internet. sulitin muna habang nasa bahay pa for the weekend.

alas-dos ng madaling araw. hindi ko na tinapos ang Ano’ng Nangyari kaya ginawa kong dalawang parts. dinalaw na ako ng antok. i’ve been up since 4 a.m. kailangan ko ng matulog. siyempre pray muna.

whew. nakakapagod ang araw na ‘to. but, after all, it really is God’s grace that saves the day.

Advertisements

Ano’ng Nangyari? Part 1

alas-kwatro ng umaga. nasa corridor ako ng ICS at nagmamadaling naglalakad papunta sa bulletin board. naka-post kasi dun ang CMSC124 exam result. gusto kong malaman kung pumasa ba ako. sakto namang nasa tapat na ako ng nasabing bulletin board nang… rrrriiiinngg… rrrriiiiingggg.

agad akong napabalikwas sa pagkakahiga ng maalimpungatan ako sa maingay na pagri-ring ng aking alarm clock. pambihira naman o! sa panaginip ko na nga lang malalaman na may pag-asa pa ‘kong pumasa sa exam na ‘yon, naudlot pa! tsk. tsk. tsk.

ok sige. ganito na lang. 10 mins pa ha? baka sakaling ma-continue yung nahinto kong panaginip at malaman na pumasa pala ‘ko.

alas-singko ng umaga. kung hindi ko lang sana ipapasa mamaya ang assembly program na ito, edi sana ngayon nakikipagniig pa ang ulo ko sa malambot kong unan. umuulan pa man din at masarap matulog hmp.

hala. ang aga-aga e ginugulo ang isip sa pagte-trace ng nakakabuang na substring checking. idagdag pa kung saang mga registers ilalagay ang kung anu-ano pati na rin kung saan ba maglalagay ng mga jumps at mga program calls. wahaa magulo. ayun. ang aga-aga, reklamo kagad.

pa’no nga ba naman gaganda ang araw mo niyan?

alas-singko y media. wahaha. solo ko ang buong CR ng Unit 3 1st floor!

mabuti naman at walang nakapilang mga kapwa ko dormers sa shower cubicle. mas marami pa man din ang mga naliligo tuwing miyerkules at biyernes. sabagay, maaga pa lang nang pumasok ako. magtataka pa ba ako kung bakit wala akong mga kasabay? malamang mga tulog pa! masarap matulog ngayon. malamig at maulan.

alas-otso ng umaga. kung kelan naman malapit na ‘ko sa PhySci, saka naman humirit ang sirenang kung tumunog ay dinig sa buong lower campus. ibig sabihin, 8 o’clock na ang universtity time sa mga oras na iyon.

hayan, late na naman ako. pero di pa naman yata recorded ‘to. 5 mins late lang naman e.

alas-diyes ng umaga. salamat sa katangahan kong ilagay ang naka-plastic na Coke sa loob ng bag kahapon kaya’t pumutok at bumulwak sa loob mismo ng bag. yan tuloy, ang itsura ng mga readings at notebook ko ay para bang mga nagsipag-swimming sa tubig-baha. dahilan para hindi ako magdala ni papel o ballpen man lang. pati flash disk ko na laman ay yung ginawa kong program kaninang madaling-araw, iniwan ko rin! nangapa tuloy ako sa paggawa ng exercise sa PC Lab at puro not substring ang result ng ipinasa ko kay Maam. Di bale na, may partial points naman eh.

Salamat nga pala sa mga sumusunod na mga sponsors ko para sa araw na ‘to: Angela, for the paper you’ve provided; Eleasah, for your pen which I’ve borrowed for a moment; Angel, for letting me use your sign pen at siyanga pala, sorry naubos ko yung tinta. Babayaran na lang kita ng bagong sign pen. Muli, nagpapasalamat ako dahil hindi ko mairaraos ang araw na ‘to kung wala kayo. <emo lang ba?>