Ano’ng Natutunan Mo sa Sermon ni Pastor?

linggo na ulit ngayon. parang kakauwi ko lang dito sa bahay nung friday ah. tapos babalik na ulit ako ng los baños bukas? grabe! kung may pakpak lang siguro ang oras tapos isa siyang ibon, peregrine falcon ang breed niya. ayon kasi sa’king na-research, the said bird is known to be the fastest flying bird. teka, ba’t nga ba napunta na ‘ko sa ibon? ah ayun. sabihin mo mang corny pero naisip ko lang na analogous naman yung sobrang bilis ng paglipad ng oras sa bilis ng peregrine falcon.

heniwey. dahil linggo ngayon, nagsimba ako. na-guilty naman ako kasi tinatamad talaga ‘kong pumunta ng church dahil ang lakas ng ulan tapos malakas din ang hatak ng kama. pinilit ko lang talaga ang sarili kong bumangon kasi male-late kaming mag-anak sa pagsimba. ayaw pa man din ng parents ko na nahuhuli kami sa church.

hay. isa pang dagdag sa guilt ko ay ang hindi ko pagdadala ng Bible ngayon. naiwan ko kasi sa los baños. grrr! kung ano pa yung importante, yun pa talaga ang naiwan.  tsk. tsk. tsk.

hay na naman. ang laki na talaga ng kasalanan ko kay Lord. bukod sa hindi ako nakapagdala ng Bible at tinatamad pa akong magsimba, hindi ako nakapag-focus sa message ng pastor. although i was taking notes regarding sa sermon,wala sa loob ng simbahan ang utak ko. malayang naggagala outside the confines of the church. kung anu-ano naiisip ko pero hindi tungkol dun sa message. naririnig ko nga yung sinasabi ng pastor sa pulpito, pero hindi naman ako nakikinig.

hm. wait. parang lesson pa namin yun sa CE/VE nung high school ah. yung lesson about listening. sabi ng nanay at teacher ko sa Values, there’s a fine line between hearing and listening. ang difference nga lang nila, if you’re listening, involved pati emotions mo at nag-iinteract ka with the person you’re listening to. kapag naman hearing, pumapasok lang sa kanang tenga mo tapos lalabas din kaagad sa kaliwa. hala sori naman. nag-recap daw ba ng high school Values Ed?

heniwey ulit. to cut the long story short, hindi ako nakapag-explain ng matino sa youth group discussion after ng service-proper. nataranta akong intindihin ang mga sinulat ko. nagkandautal tuloy ako sa pagsi-share ng reaction ko dahil in the first place, wala akong reaction kasi hindi nga ‘ko nakinig, di ba?

inihingi ko rin ng tawad kay Lord yung mga ginawa ko ngayon. pero next time, iniiwan ko dapat sa labas ng church ang mga alalahanin ko. dapat yung atensiyon ko kay Lord lang talaga. kaya nga daw pumupunta sa church every Sunday eh not only for the purpose na i-bless tayo ni Lord kundi para i-bless din natin si Lord. so pa’no ko nga naman mabe-bless si Lord kung pagpasok ko pa lang ng simbahan eh nasa ibang dimensiyon na ang lipad ng utak ko?

***

tsk. tsk. tsk. monday na bukas. dadalawin daw ako ng isa kong high school friend. hay. hindi ko alam kung ano’ng ipapalamon ko sa kanya. hmp. dalhin ko na lang kaya siya dun sa Jollibee sa kanto… ay bahala na nga bukas.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s